Apropo

Bann obzektif Creole Speaking Union

1. Promouvwar langaz-la dan so form oral ek ekri;
2. Promouvwar lamitie ek lantant ant bann dimounn ki koz langaz-la dan lemond, ek angaz dan ninport ki travay edikatif, akademik, kiltirel ouswa artistik pou al dan sans sa obzektif-la;
3. Fourni fasilite pou esanz bann pwindevi ki afekte lintere, bien-et, devlopman, relasion ek problem komin bann lokiter sa lang-la dan lemond;
4. Promouvwar ek ankouraz devlopman lingwistik parmi tou dimounn ki ena enn lintere dan lang-la, avek enn lanfaz spesial lor perspektiv kiltirel, artistik, ekomomik ek sosial lang-la;
5. Fourni fasilite pou bann program esanz, labours ek bann relasion sosial ant Union ek bann lezot organizasion lor nivo internasional;
6. Promouvwar, organiz ek ankouraz korespondans, konferans, seminer, workshop, deba, exersis elokision, training, konpetision, performans artistik ek demonstrasion pou bann dimounn ki interese avek lang-la;
7. Promouvwar, organiz ek ankouraz aktivite literer ek inter-esanz bann liv, brosir, piblikasion peryodik ek lezot informasion ki konsern lang-la parmi bann iniversite lokal, kolez, lekol ek lezot institision, ek ousi parmi bann institision edikatif internasional;
8. Promouvwar ek ankouraz piblikasion, expozision, distribision ek lavant bann liv, magazinn, zournal ek bann lezot travay literer dan sa lang-la;
9. Promouvwar konpreansion ek armoni interkiltirel ek interlingwistik atraver esanz ek partisipasion dan bann proze komin;
10. Ouver bann brans atraver Moris, lor plan rezional, ek afilie avek ninport ki organizasion dan enn lot pei ki ena bann obzektif similer avek Union;
11. Fer ninport ki travay ki neseser pou ki obzektif Union realize.